بلوك

Watermelon_59604 🇪🇬

منذ 13 ساعة

شعور وحيد

عايزة أتكلم عن شعور لغاية دلوقتي مش قادرة أتخطّاه. بجد، إن صاحبة عمري تبعد عني علشان خطيبها سابها، فقررت تبعد عني... ده كان صعب جدًا. أحكي من الأول: صاحبتي اتخطبت لواحد في السعودية. المهم إنها كانت هتتخطب وهتسافر السعودية ومش هترجع تاني. مع العلم إنّي كنت مخطوبة من قبلها أصلًا. أنا كنت بحبها حب مش

عبّر عن شعورك بشكل مجهول

عايزة أتكلم عن شعور لغاية دلوقتي مش قادرة أتخطّاه. بجد، إن صاحبة عمري تبعد عني علشان خطيبها سابها، فقررت تبعد عني... ده كان صعب جدًا.

أحكي من الأول: صاحبتي اتخطبت لواحد في السعودية. المهم إنها كانت هتتخطب وهتسافر السعودية ومش هترجع تاني. مع العلم إنّي كنت مخطوبة من قبلها أصلًا.

أنا كنت بحبها حب مش عادي، كنت هموت من الزعل والعياط لما عرفت إنها هتسافر وهنبعد عن بعض. ويوم خطوبتها عيطت، ولما هي عرفت، قالت: "آه، دي صاحبتي لما عيطت كانت غيرانة ومش بتحبني، وإنها أنانية..." وحاجات كتير غلط ووحشة اتقالت عني، وأنا مكنتش أعرف إنها شايفة كده.

كانت بتخبي حاجات كتير عنهم، بس ده مش المهم دلوقتي. المهم إن بعد حوالي شهرين خطوبتها باظت، ووقتها بدأت تعاملني بطريقة وحشة جدًا. فقررت أسيبها وأبعد.

بس هي بدأت تشتكي للناس وتقول إني بعدت عنها وهي في فترة صعبة في حياتها، وإني إنسانة وحشة. وبعد فترة، أنا مقدرتش أستحمل البعد، ورجّعتها تاني، وحاولت أتصالح معاها.

وكان فرحي قرب، مكنش باقي غير شهر، والشهر ده كان صعب جدًا عليّ. مع إننا رجعنا نتكلم، بس حاجات كتير بوظت. هي جت فرحي، رقصت وتهيصت وعيطت، كأنها بتثبت للناس إنها جات وعيطت، وخلاص.

بعد الفرح، اختفت تاني، وبعدت عني، وفي الآخر عملتلي بلوك.

أنا مش متخيلة إننا كنا أصحاب بقالنا ١٠ سنين، وتعمل كده فيا... أنا كنت بحبها، ولسه بحبها.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_57070 🇪🇬

منذ يوم واحد

شعور غاضب

Pistachio_56152 🇪🇬 هو الجيم ده فين ؟ انا اجي اعرف المشكله اسهل ... انت مش فاهم المشكله 🫣😂😂😂😂

عرض الكل 9 نصيحة

عبّر عن شعورك بشكل مجهول

معايا واحده فى الجيم بتحب تعرف تفاصيل الناس  وهى مبتعرفش حد حاجه عنها كنا بنتمشى مع بعض واحنا رايحين ورجعين من الجيم كانت كل مرة تكلم عن الناس فى الجيم وتقولي ديه متعرفيش مطلقه المهم كانت تقعد تسأل فى حياتى جامد وبابا شغال ايه واختى مسافره ليه وانتي بتشغلى ايه وبتقبضى كام المهم حاولت فى تعرف موضوع مرضى يعد اسئله  فقولت ليها ومره كنت محتاجه اتكلم مع كوتش الجيم لأن كنت بتعب فى التمرين فقولتلها راحت من غير ما تقولي كلمت الكوتش المهم انا مديقه جدا ومحتاجه اهزقها فعرفت بالصدفه انها عاوزه تاخد برايفت  المهم الكوتش  قالتلها فى الجيم بعد العيد هاخدك برايفت بس تظبطى اكلك انا كنت بستهبل عليها قولتلها ليه هتسبينا وتروحي برايفت قالتلى لا مستمره معاكم بإذن لله بعد كده قالتلى غالي أنا هاخد شهر اتنين المهم سلفتها مش بتيجى وبتحاول ترجع العلاقه تانى المهم امشيت معاها برضه بتسأل فى اللى ملهاش فيه وتاني مره فى الجيم قالتلى يلا المهم اتمشيت معاها قالتلى التمرين فى اللمه الناس بتشجعك قولتلها انتى عاوزه ايه دلوقتي وهى اصلا مش قايله لجوزها انها هتاخد برايفت ولا عارفه هتجيب المبلغ ازاى وقالتلي انها هتقول ان الكوتش اختارت ناس من الكلاس وهتمرنهم لوحدهم قولتلها انتى بكدة هتعملى مشاكل ليها وهتشوف اسبوع اسبوعين التمرين  قولتلها ديه فلوس الشغل مش فلوسها هى قالتلى متبقيش حنبليه قولتلها بتقوليلى ليه شوفي انتى عاوزه ايه واعمليه المهم روحت بليل بدل الصبح علشان اتخنقت منها  لاقيتها موجوده انا مش سلمت عليها كانت صحبتى موجوده ومش خدت بالى منها راحت هى سلمت عليا المهم المكان كان زحمه وواقفه وراها وهى راحه جايه قدامي انا اتخيلت منها فبقولها بهزار مالك فيه ايه تقولي مجنونه سكت ومش رديت احترمت انها أكبر منى ومش ينفع ارد المهم قبل العيد بيوم رنيت عليها اعيد مش ردت وبعت مسج واتساب شافت مش ردت راحت كلمتنى بعدها بيومين  وقالتلي انها كانت مش فاضيه  وامها وحماتها تعبانين  قولتلها انا قولت مش ردت مش عارفه مالها ديه حتى فى التمرين راحه جايه عاوزه تشيلى أوزان عاليه ومصممه وراحه جايه اكلمك بهزار تقوليلى مجنونه  قولت مالها المجنونه ديه  وكلمتها تانى علشان اطمن على امها وحماتها برضه قالتلى اخبار الجيم انا متصله اطمن على حماتك وامك انا مالى بالجيم المهم انا النهارده عملتها بلوك مكالمات وواتساب. هل انا كده غلط فى معاملتي ليها ووحشه وقليلة ذوق .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_56196 🇪🇬

منذ يوم واحد

شعور مكسور القلب

انا تعبانة بقالي فترة حبيت واحد لمدة اربع سنين وكان مديني اهتمام وحب عمرى مالقيته قبله وكان دائما بغير عليا من اي حد لو اتكلمت مع حد ف الشارع أو رحت محل او اي شخص اتكلم معايا دايما يعمل معايا مشكلة واستخملت معاه حاجات كتير علشان حبيته وحسيته هو كمان حبني بس ف الفترة الأخيرة زادت المشاكل وقالي انا نف

Potato_26031 🇪🇬

منذ 3 أيام

شعور قلق

Pistachio_56152 🇪🇬 يعني هو مش صاحب المحل وكان بياخد من المحل ويديكي حجات؟

عرض الكل 5 نصيحة

عبّر عن شعورك بشكل مجهول

انا في شخص عملت معاه كذا موقف مخليني عايزة الأرض تنشق و تبلعني بجد، بداية الموضوع اني كنت صغيرة ساعتها كنت في تانية اعدادي و هو كان في اولي جامعة ( فرق بينا ٥ سنين ) المهم ان ساعتها الشخص دة كان شغال في محل جمبنا و كان كل ما اروح اشتري من عنده كان لازم يعمل اي حاجة علشان يضحكني مكانش بيرضي يديني الأوردر غير لما اضحك و لو الدنيا زحمة كان اول ما يشوفني يمشيني انا اول واحدة حتى لو طالبة حاجات كتير و كان ديما بيكرمني في الحاجات اللي بتيجي مع الأوردر و يحطلي حاجات بزيادة و حاجات كدة و طبعا علشان انا كنت صغيرة فا اعجبت بيه ساعتها و قعدت ادور لحد ما جبت رقمه و أكونتاته كلها و كنت باجي كل فترة و اسجل رقمه علشان اشوف بروفايل الواتس بتاعه و للأسف عندي مشكلة في تليفوني ان ابلكيشن الفون تقيل فا كل ما اجي اسجل الرقم بفضل ادوس كذا مرة علشان تقيل فا الاقيه بيتصل بالرقم معرفش دة بيحصل ازاي بس كل مرة يحصل كدة و  هو كل مرة ارن عليه بالغلط يروح راجع رانن اروح عاملاله بلوك و بعد فترة افكه و ارجع اعمل نفس الحركة و اقول المرادي هاخد بالي و بردو نفس الموضوع يتكرر غصب عني يروح راجع رانن و اعمله بلوك تاني و هكذا و اول مرة حصل فيها كدة بعدها بفترة لقيته سجل رقمي و بعتلي علي التليجرام روحت بلكته بردو و مرة تانية بعدها بجملة الأخطاء اللي انا مش فاهمة هي ازاي بتحصل لأني عمري ما حصل معايا كدة مع حد تاني هو اني مرة سجلت رقمه علشان اشوف بروفايل الواتس بتاعه و نسيت امسحه و داخلة علي التليجرام بالصدفة لقيته منزل ستوري و انا التليجرام مش بستخدمه غير في المسلسلات بس فا حتي معرفش ازاي بنزل عليه ستوريز و لا اشوف ستوري حد ازاي ولا اي حاجة المهم جاتلي نوتيفيكيشن وقتها جاية بشوفها و بنزل الشاشة لتحت لقيته فتحلي الاستوري بتاعته بعدها بشوية لقيته باعتلي تليجرام ايموشن 😌 روحت بلكته تاني المهم انه مشي علشان دراسته في منطقة تانية و خلاص مبقيتش اشوفه و هو حاليا متخرج و انا في تانية جامعة بس كل فترة بيجي في بالي بيكون عندي فضول غير مبرر اعرف اخباره مع اني حاليا مش معجبة بيه ولا حاجة و كل مرة اجي اسجل فيها رقمه يحصل نفس الموضوع و ارن عليه يعني مش بتعلم من اخطائي مثلا لا بردو و اخر مرة حصلت من ٥ شهور و قولت عمري تاني ما هفكر اسجل رقمه و مش عايزة اعرف عنه حاجة، المهم ان في حد عمل اكونت فيك من قريب علي انستجرام و بعتلي بيسألني انتي في جامعة كذا بلكته و في اتنين ورا بعض علي سناب شات باعتينلي ادد بنفس اسمه و بلكتهم بردو ، معرفش هو كل دول ولا لا و معرفش لو حاول يكلمني ارد اقول ايه ولا افضل زي ما انا ببلكه كدة ولا اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_57755 🇪🇬

منذ 4 أيام

شعور محبط

اتعرفت عليه و كان اول حب و اول ارتباط ، و حبيته برغم اننا مطولناش ، و المفروض على كلامة هو حبني اكتر ، لحد ما بدأ يختفي و يتغير و اخر ما زهقت عملت بلوك ، الكلام دا من ٤ شهور و عملت موف اون بعدها , و دخلت في علاقة جديدة و مع ذلك مقدرتش احبه و سبنا بعض من اسبوع , و دلوقتي رجعت افكر في الاول تاني و حن

Chocolate_57287 🇪🇬 اوعي ترجعي. اشغلي نفسك بأي طريقة عشان تبطلي تفكير فيه

عرض الكل 8 نصيحة

Pumpkin_56872 🇪🇬

منذ 5 أيام

شعور مستنزف

Chocolate_57413 🇪🇬 يؤسفنى ان اقولك ان دى متنفعش تبقى صاحبتك ولا ده شخص ينفع تكملى معاه بغض النظر ان الصحوبيه حرام مش موضوعنا بس الصاحبه ال بجد وال بيحب بجد بيقدم النصيحه بحب واحترام من ناحيه هيخليكى تتغير عشانهم ومن ناحيه تانيه مش هتتقهرى زى ماحصلك نصحيه ابعدى عنهم وحاولى تتغير عشان نفسك♥

عرض الكل 25 نصيحة

عبّر عن شعورك بشكل مجهول

انا حكيت الموضوع دا وهحكيه تاني عشان محدش قال الرد اللي في دماغي لسه اتعرفت علي ولد كنت مسمياه وزه وهو كان غبي فاكر أن كده بدلعه يعني وكده 😂 كان أول ولد في حياتي عمري ما كلمت ولا تجرأت اني احط الفكره دي في دماغي هو مفهوش حاجه مميزه دا كان زفت علي عينه شبه رجله كده وشه شبه قفا استغفر الله العظيم يارب الرحمه اصل بردو اللي حصل مش قليل انا تناولت واتكلمت معاه عشان اشوف ايه الصحبيه دي المهم أن اسلوبي شويه صعب مع الغرب مش برتاح ليهم بسرعه بس بحكي اي حاجه ليهم بس بأذيهم بالكلام من غير مقصد المهم قالي انت محدش هيستحملك بأسلوبك دا ويا تغيري اسلوبك يا اما انا مش هفك البلوك اصله كان عملي بلوك واتس اتقهرت جامد اووي بقا انا استحملتك واتنازلت وقعدت اقول عيب دي خلقه ربنا عيب يا بت وانت فنشت ريشك عليا اهاااااا يا قلبي بجد المهم هو عمل كده ليه بقا كان بيرن عليا في الجامعه وانا مش برد عايز واحده ملزقه رومانسيه بقا وقلة ادب وانا رفضت دا حتي أخلاقه هو غير اخلاقي لذلك انا مقهوره من الموضوع دا قولولي اعمل ايه في الوزه دي + واحده صحبتي اووي قالتلي أن أسلوبي وحش وأنها كتر خيرها انها مستحملاني ومستحمل تعبي وان انا عارفه أن مفيش حد يرضي يصاحبني ف موضوع الأسلوب دا موترني هل انا كده فعلا ولا هي كانت في وقت عصبيه بتقول اي كلام اصل الكلام اتكرر علي وداني من ناحيتين انا والله ببقي كويسه أو مش كويسه احيانا بس مش عارفه موضوع اسلوبي دا بجد صعب عليا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Waffle_27627 🇪🇬

منذ 5 أيام

شعور محبط

كنت بحب واحد و اختفي من غير اي سبب و رجع كلمني قالي انو عايز نرجع و رجعت عشان للأسف كنت لسه بحبه بعد فتره لما كل حاجه رجعت تاني كنا خارجين و بصيت في موبايلو و لقيت انو مسجل بنت باسم دلع بتعها ساعتها شد التلفون من ايدي اتحجج و قالي انو مش بيكلمها و انها هي المسجله اسمها كده علي سناب شات عديت الموضو

Pistachio_56152 🇪🇬 في ناس كده توكسيك بتخش حياتنا علشان تخربها وتطلع

عرض الكل 3 نصيحة

Banana_56622 🇪🇬

منذ 5 أيام

شعور فخور

موضوع:

اتخطيتو أول حب ازاي وكم الوقت اللي اخدتو وهل رجعتو تفكرو فيه

اول حب كان في ثانوي كنت حبيت واحده وخروقتني في الاخر وعملتلي بلوك ساعتها كان احساس صعب عشان كنت بحبها بجد اول مشاعر حب حقيقيه اعيشها ولما اختفت كان بالنسبالي الموضوع صعب ...بس عادي الوقت خلاني نسيتها هما اسبوعين الصراحه ونسبتها وعرفت غيرها وغيرها وعرفت من ساعتها انها مش بتقف علي حد لما بحس أن واحده

Pumpkin_56872 🇪🇬

منذ 6 أيام

شعور غاضب

كان اول ولد أكلمه اتكلمنا من شهر ٢ مثلا كان الموضوع بالنسبالي جديد وعايزه اجرب هتستغربوا ازاي جديد بس انا كنت رافضه مبادئ اني اكلم دا المهم كنت بعامله بتلقائيتي لحد لما قالي انت محدش هيقدر يستحمل بأسلوبك دا قالي ممكن اكمل معاكي بس لو غيرتي من نفسك حسيت بالاهانه الشديده بقا انت يا وجه البرص تقول كده

Carrot_56149 🇪🇬 ولا تكلميه ولا تعبريه يا حبيبتي انتي غاليه متقلليش من قيمتك عشان حد

عرض الكل 8 نصيحة

Chocolate_55681 🇪🇬

منذ 6 أيام

شعور محبط

هااي انا حابة احكي حاجة انا عندي ٣٠ سنة و لحد دلوقتي مش قادرة الاقي حد يحبني زي ما انا كل ما اتعرف علي حد يبقي قصده مش كويس و بعمله بلوك لدرجة ان حسيت ان ممكن اعيش لوحدي بس بشوف صحابي بيتجوزوا و بيتخطبوا و بيرتبطوا وانا واقفة مكاني الحمدلله انا بشتغل بس بردو نفسي الاقي حد شبهي نفسي حد يحبني عشاني

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

في حوار مدايقني جداً اتعرفت على واحد من ابلكيشن ما كده  بالصدفه و بعدين اخدنا التلي عششان نتكلم عليه عشان كان بيساعدني في حاجه المهم ان احنا كنا متفقين في البدايه ان اهو هيساعدني و بعدها خلاص مش هنتكلم تاني المهم ان طبعاً انتوا عارفين انا هقول ايه ان الموضوع مكملش زي ما احنا اتفقنا و كنا بنتكلم عادي يعني اتعرفنا على بعض و فضلنا نتكلم و كنا بنتكلم بكل احترام عامةً وانا بدأت احب الكلام معاه و هو كذالك و قالي كده اصلاً المهم ان في مره قال حاجه معجبتنيش كده يعني حسيت بحتجه غلط فقولتله بعدها عشان نوقف كلام انا حاسه ان انا اتعديت حدودي معاك و مكنش ينفع يحصل كده و ان احنا نفضل نتكلم و بعدها بطلنا نتكلم المهم ان بعدين في الابلكيشن اللي اتعرفنا على بعض فيه بالصدفه لقيته حد مسمى نفس اليوسر نيم بتاعه و بعتلي كلام قليل الادب المهم ان انا هزئته و بعدين و بعدين فضلت اقوله شويت كلام كده احسسه بتأنيب و المشكله الكبرى انه كان نفس طريقه كلامه بالظبط يعني كان نفسي ان يكون بس مجرد تشابه مثلاً في اسم الاكونت بس لا اه نفس طريقه كلامه المهم ان انا بعدها روحت بعتله على التلي رساله طويله كده ان انا كلمت واحد و حسيته انت وكان نفسي طريقتك في الكلام و بيقول كذا و كذا و كذا نفسك و مش عارفه ايه المهم ان رد فعله كان غريب اوي يعني معرفش بس مكنتش مستنيه الرد ده يعني حسيت من رد فعله انه مش بينفي اللي حصل يعني لقيته بيقولي لا انا معملتش كده و انتي تعرفي عني كده و الكلام ده اللي هو ازايييييي بجد يعني ايه يعني معرفش هو انا اللي اوفر ولا لا بس مكنتش مستنيه الرد ده لو هو فعلاً معملش كده و قولتله ان انت بجد لو كنت الشخص ده فانا زعلانه منك اوي وكده و بعدها اتخانقنا جامد و بعدين اتصالحنا و قولنا خلاص مفيش حاجه و حصل خير و بعدين اتخانقنا و ساعتها قالي ان بما ان دي اخر مره هكلمك خليكي اكون صريح و قالي انه بيفرح لما بيتكلم معايا و بيحب وجودي و انه اليوم اللي كنا بنتكلم فيه بعدها مكنش بيعرف يذاكر من كتر ما بيفكر فيا و المهم انه بعدها قالي عايز اقولك حاجه بس مش قصدي حاحه بس حاسس اوي اني عايز اقولها و بعدها قالي بحبك المهم ان انا كان رد فعلى على الكلام ده كله سخيف جداً وانا عارفه و كنت قاصده اني اعمل كده المهم بعدها مسحنا الشات و كل حد خلاص مش هنتكلم تاني لقيته بعدها الصبح بعتلي انه كان بيهيس و مش عارف كان بيقول ايه وان انا انسى الكلام ده و مخدش على كلامه وبعدها حصل حتجهركده و اتخانقنا و قي تص الكلام قولتلك ان انا مش هعمل زيك و هقولها عادي ان انا بفرح لما بتكلم معاك و حبيت وجودك ومش هعمل زيك و اقول اني بهيس بمجرد اني لقيت رد فعل الشخص وحش فبعدها قالي انتي صح و انا قولت كده عشان لقيته بتردي ببرود و مش عارفه ايه و اتخانقنا و قالي عشان خطري متبعتليش تاني فانا قولتله خلاص احنا نعمل لبعض بلوك عشان كده كده مش هنبعت لبعض تاني فقالي لا بلاش نعمل بلوك اللي هو انت غريب اوي بجد و  انا  عماله اشتم نفسي عشان رديت اتكلمنا من البدايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Mango_56606 🇪🇬

منذ أسبوع واحد

شعور محبط

اللي بيحب عمره مهيسيب انا كنت بحب واحد معايه في الشغل و كل يوم مع بعض فعلا و نروح نتكلم و كل ده مره واحد اختفي و مبقاش موجود حتي الشغل مكنش بيجي و عملي بلوك من كل حاجه و بعدين فكه و كلمني و ظروف و كده و رجعنا تاني و هو بقا كان بيكلم واحد تانيه علياا و جه قالي بعدهاا بسنه علشان هيروح يخطبهاا و فضل ي

Potato_55495 🇪🇬

منذ أسبوع واحد

شعور ضائع

موضوع:

لو رجع بيك الزمن هتحب نفس الشخص تاني؟

Strawberry_56089 🇪🇬 اتقدم وخد رد نهائي يا آه يا لأ علشان ما تتأملش ع الفاضي وربنا يريح قلبك يا صاحبي

عرض الكل 6 نصيحة

عبّر عن شعورك بشكل مجهول

للاسف اه 
من اول يوم ليا في الكلية شوفتها و كأن قبول و جمال الدنيا فيها لدرجة ان عقلي مش مستوعب ان في حد بالجمال ده و ساعات كنت اقعد بالساعات علشان افتكر ملامحها قعد 5 شهور علي ما حصل موقف و كان لازم اكلمها اطمن عليها مقدرتش اشوفها معيطة و للاسف كنت حكيت لشخص عنها الشخص ده سوحني و قالها لما كلمتها قالتلي انت مين و كانت عايزة تعرف اسمي و قالتلي ان حد قالها و عملت بلوك كلمتها من سبع او تمن ارقام انا فعلا كنت عايزها ف الحلال لحد ما الدنيا مشيت شوية معاها و رجعت تعمل بلوك تاني و انا اي حد كان يبصلها او يفكر فيها كنت بشيله من علي وش الارض و حرفيا عملت مشاكل كتير علشانها شلة شباب كانوا قاعدين و اتكلموا عليها و انا عرفت و عرفتها ان بلاش تعدي من قدام شباب و هي زعلت اوي و عيطت ان حتي و هي ف حالها محدش سايبها ف حالها و انا مهانش عليا دمعتها اقسم بالله ان معداش يومين و كانوا دخلوا اعتذرولها لكن هي مقدرتش كل ده و كانت تقولي انت ليه بتعمل كدا و متعملش و ملكش دعوه، و كان علطول تلين معايا شوية و ترجع تعملي بلوك ف اكتشفت ان في ولد من ايام ثانوي بيحبها و اهله ناس كويسين و اهلهم عارفين بعض و اتوقع في مشاعر من ناحيتها تجاهه حسيت اني ف سباق و لازم اكسبه مع اني مش كدا انا محبش بنت اتحبت من حد تاني بس هي كانت غير و كانت تستحق اتخلي عن مبدأي تنصحوني انساها ولا اعمل اللي عليا و احاول و اتقدملها

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

اتكلمت قبل كدا عن البنت اللي حبيتها في بوست تاني و كانت مش دايما بتشاركني نفس الحب كان ساعات و ساعات ممكن تشوفو البوست من عندي عشان تفهمو الدنيا اكتر
احنا سهرنا جامد و مكناش في وعينا احنا الاتنين و كنا بنقول اي كلام فا الكلام جاب بعضو و اتكلمنا في حاجات مينفعش نتكلم فيها دلوقتي خالص غير بعد الجواز و انا كنت بلاحظ ان هي كانت بتخليني انا اللي اتكلم و احكي و هي تسمع بس هي كانت بتشارك في شويه حاجات بس مش دايما المهم انا فعلا عمري ما فكرت معاها قي كدا بس انا ضعفت فعلا و هي استدرجتني في الكلام و مكنتش في وعيي وقتها و غصب عني دي الفطرة اللي اتخلقنا عليها انا عمري ما تخيلت اني ممكن اتكلم مع البنت دي في حاجه زي كدا لاني فعلا حبيتها والله 
المهم يومها لما نمنا و صحينا لقيتها عامله ليا بلوك من كل حتة ماعدا الواتس و حتى الواتس مبتردش مش عارف هي يعني كل دا كانت بتستدرجني عشان تاخد مني الكلمتين دول و هتعمل بيهم ايه ولا هي كانت عايزة تسمعهم و خلاص انا فعلا خايف و متوتر جدا
انا اسف لنفسي و لربنا و انا ندمان اوي و منهار عياط دلوقتي و مش مصدق ان الشخص الوحيد اللي حبيتو في حياتي يعمل كدا و اخسرو بالطريقه دي 
حرفيا مش قادر اخد نفسي من العياط و منهار دي كانت لحظة ضعف وانا مكنتش في وعيي وانا بقول الكلام دا 
انا مش طالب حاجه غير ان ربنا يسامحني و ان هي تسامحني و اهلها يسامحوني و نفسي تسامحني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع